Претседателот на Европскиот совет, Доналд Туск денеска изрази солидарност на ЕУ со САД, Велика Британија и Франција по нападите врз Сирија.
„Нападите од страна на САД, Франција и Велика Британија се јасен знак дека сирискиот режим заедно со Русија и Иран не смеат да продолжат со оваа човечка трагедија, барем не без цена. ЕУ стои со своите сојузници на страната на правдата“, објави Туск на својот Твитер во прва реакција на ЕУ за нападите.
Туск е претседател на Европскиот совет, институцијата која ги обединува шефовите на држави или влади на земјите членки на Европската Унија.
