Претставниците на судската полиција и премиерот Зоран Заев се согласија дека е потребно да се обезбеди повисок стандард и подобар социјален статус за полицијата која ги обезбедува судовите во Република Македонија, соопшти Владата по средбата на премиерот Зоран Заев и министерот за внатрешни работи Оливер Спасовски со претставници на судската полиција.
– Владата, која јас ја предводам, има волја и прави напори да ги обезбеди и сочува работничките вредности на сите професии и дејности и нивно соодветно вреднување – рекол премиерот, Заев изразувајќи уверување дека преку институциите ќе се заложи за подобар стандард и надминување на актуелните проблеми на претставниците на судската полиција.
