Американскиот претседател Доналд Трамп изјави дека Пентагон основал американска вселенска команда како дел од поширокиот напор за зачувување на доминацијата на САД во орбитата на Земјата.
Прогласувајќи ја вселената за клучна во одбраната на државата, Трамп синоќа рече дека Пентагон ја основал американската вселенска команда за да ја зачува американската доминација на „крајниот, врвен терен“.
– Ова е значаен ден – рече Трамп на церемонијата во Белата куќа „ден кога е признаено дека вселената е клучна за националната безбедност и одбрана на САД“.
Тој додаде дека Вселенската команда, предводена од генералот на воздухопловните сили, „ќе обезбеди дека американската супериорност во вселената не е доведена во прашање и никогаш не е загрозена“.
Сепак, Вселенски сили се уште нема бидејќи допрва треба да добијат одобрение од американскиот Конгрес.
ФОТО: EPA/ IAN LANGSDON / POOL
