Во големиот шумски пожар над велешкото езеро „Младост“, кој беше изгаснат дури по 11 часа и постоеше закана да бидат опожарени и околните населби, изгоре површина од 400 хектари од кои половината со борова шума и 200 хектари под сува трева, велат првичните и неофицијални проценки.
Четири лица се приведени во Велес кои во полициска станица кажале дека станува збор за пожар предизвикан од невнимание додека работеле со брусилка и, најверојатно, од искра во еден момент настанал оган, кој се обиделе да го изгаснат, но тој почнал бргу да се шири.
