Лидерот на израелската Лабуристичка партија Амир Перец се појави на телевизија без мустаќи, првпат после 47 години, со објаснување дека благодарејќи на тоа Израелците ќе можат полесно да му читаат од усни пред изборите на 17 септември.
Во интервју за ТВ Канал 12, под наслов „Амир Перец каков никогаш не сте виделе“, лидерот на лабуристите најави дека без мустаќи „ќе ја врати надежта на државата Израел“.
– Во текот на 47 години секогаш бев со мустаќи. Во 2002 година Здружението на глуви ме контактираше и тогаш првпат ги потстрижив бидејќи тие не можеле да читаат од моите усни, па не можеле да ме разберат – појасни Перец.
Израелските медиуми наведуваат дека Израелците биле шокирани кога Перец првпат се појавил без мустаќи.
Судејќи според реакциите на социјалните мрежи, многумина се разочарале што се избричил.
