Која е оваа жена и како загинала во Норвешка, прашања кои мачат истражители 49 години

Според различни сведоци, мистериозната жена имала празнина меѓу предните заби, за појадок изела каша и носела крзнен шешир. Мирисала на лук. Тие кои се сеќаваат кажуваат дека зборувала англиски со странски нагласок.

Напишано од
Плусинфо
-
2512
ФОТО: Принтскрин / Јутјуб

Изгорено тело е пронајдено во шума во близина на Берген во Норвешка, уште од 1970 година луѓето се прашувале која е жената? Зошто била сама на таа локација? Дали таа била шпион и ако да за кого работела?

Во нејзиниот куфер пронајдени се костими и кодирана порака, а хотелите ги менувала повеќе пати. Во минатото била поврзувана и со состанок со морнарски офицер. Но, тука повторно се родиле повеќе прашања, отколку одговори.

Благодарение на денешната наука, дури и овие случаи можеби би можеле да го добијат својот расплет.

Лани форензирачи го тестирале едниот дел од нејзиното тело кое не изгорело. Пронајдените докази покажале оти по годините, најверојатно е дека се ближела кон четириесеттите.

Според различни сведоци, мистериозната жена имала празнина меѓу предните заби, за појадок изела каша и носела крзнен шешир. Мирисала на лук. Тие кои се сеќаваат кажуваат дека зборувала англиски со странски нагласок.

Сега се откриени и нови детали. Додека се пребарувала шумата со помош на детектор за метали, Арне Магнус Вабо копал длабоко во земјата и нашол рачна торба.

– Тоа беше прв пат да го истражувам овој дел. Кога сте сам, таму е навистина страшно. На тоа место луѓето правеле некои ритуали или вршеле самоубиство – рекол тој.

Торбата што ја нашол била на оддалеченост од 40 метри од местото на кое било пронајдено телото на жената.

Покрај земја, друго не е пронајдено во торба. Веќе се било уништено.

Стручњаци велат дека по толку време и потрага за ДНК би била неуспешна.

Загинатата, позната како „жената од Исдал“ била поврзувана со жена од Израел. Тајната служба ја истражувала можноста и поврзаноста на овие жени и тајното судење за случајот „Пингвин“ кон крајот на 60-тите.

Други докази го свртуваат вниманието кон можност таа да била шпион за невладина организација, можеби една од оние злогласните од 70-тите, како Фракцијата на црвената армија.

Во близината на Осло, млади лица исто така работат на решавање на случајот.

Едни сметаат дека била шпион и дека можеби се самоубила, додека други веруваат дека била убиена од другата жена.


ФОТО: Принтскрин / Јутјуб

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...

Други вести во рубриката