Американскиот актер Двејн Џонсон „Карпата“ (47) објави дека завчера на Хаваите се оженил со долгогодишната девојка Лорен Хашијан (34), со која е во врска цели 12 години.
Популарниот „Д Рок“ ги изненади своите фанови на Инстаграм со серија фотографии од венчавката.
На една од фотографиите се гледа како Џонсон и неговата сопруга страсно се бакнуваат, додека на друга се прикажани со рацете кренати во воздух.
Двајцата на фотографијата што на Инстаграм ја објави холивудскиот „силеџија“ се облечени во бело и со многу цвеќиња. Двајцата имаат две ќерки на возраст од една, Тија и од три години, Џасмин, а Џонсон од претходниот брак со продуцентката Дени Гарсија има 18-годишна ќерка Симон.
По разводот од првата сопруга, Двејн и Лорен започнаа врска. Во декември 2015 година го добија првото дете, ќерката Јасмин. Во април, 2018 година објавија дека добија уште една ќерка.
FOTO: Instagram/Printskrin
