Четврти ден по ред грчките пожарникари се обидуваат да го изгаснат огнот на островот Евија.
Грчкиот дневен весник „Катимерини“ објави дека се истражува дали пожарот на Евија е подметнат. Пожарникарите откриле предмети што се користат за палење на оган.
Додека грчката телевизија Скај објави дека се испитуваат доказите бидејќи пожарот почнал на три различни места во шумата на островот.
Исто така биле земени изјави од 25 очевидци.
Во гаснењето на пожарот вклучени се околу 400 пожарникари, војници и доброволци. Огнот се гасне од копно и од воздух со канадери кои се обидуваат да го совладаат огнот во тешко достапниот кањон.
Пожарот што изби во вторникот го опустоши природниот резерват борова шума, а околу 500 жители од областа се евакуирани истиот ден.
ФОТО: EPA / KOSTAS TSIRONIS
