Тинејџер е тешко повреден по сообраќајка на регионалниот пат Тетово – Јажинце, соопшти Министерството за внатрешни работи.
Случајот бил пријавен денес во 01.15 часот.
– Сообраќајна незгода се случила помеѓу патничко моторно возило „поло“ со тетовски регистарски ознаки, управувано од Ф.Е. (19) од село Пршовце и патничко моторно возило „голф“ со тетовски регистарски ознаки, управувано од М.Т.(34) од село Пршовце. Во сообраќајната незгода со тешки телесни повреди се здобил Ф.Е., а со телесни повреди се здобила М.Т., по што биле пренесени во Клиничката болница Тетово за укажување на лекарска помош – велат од МВР.
Извршен бил увид на местото на настанот од увидна екипа од СВР Тетово.
