Факултетот за ветеринарна медицина – Скопје информира дека нема вработени лица заболени од антракс, откако денеска на прес-конференција ВМРО-ДПМНЕ. соопшти дека 30 лица од Факултетот биле на терапија за антракс.
Факултетот за ветеринарна медицина, соопшти дека цо земјава има антракс, но дека се преземаат сите потребни мерки за превенција и се постапува високо стручно по најсовремени безбедносни протоколи и согласно законските прописи, Факултетот ги известил Агенцијата за храна и ветеринарство, Министерството за здравство, Државниот здравствен и санитарен инспекторат и Центарот за јавно здравје – Скопје.
„Факултетот во консултација со Универзитетската клиника за инфективни болести и по нивна препорака, а согласно утврдените протоколи за профилактички третман во случај на потенцијална изложеност на антракс, кај вработените кои биле изложени на контакт со мострата е индицирана профилакса“, стои во соопштението.
