Кејт Мидлтон и принцот Вилијам во четвртокот учествувале на традиционалната кралска регата King’s Cup, со која секоја година се собираат средства за хуманитарните организации чии почесни спонзори се војводите од Кембриџ.
Поради лошото време кое се предвидувало за петокот, трката била одржана ден порано, но тоа не ја спречило убавата војвотка да облече ултра кратки панталони во кои ги покажала извежбаните нозе.
Кејт за трката одбрала спортска водоотпорна јакна, а целото издание го надополнила со сина кабаница и сиви патики.
Вистинско освежување е да се види Кејт во вакво спортско, опуштено издание. И Британците се зачудени, бидејќи не се навикнати да ја гледаат инаку конзервативната војвотка, во вакви комбинации во кои покажува малку повеќе кожа.
