Брегзит без договор ќе предизвика недостиг од прехранбени производи во Британија

358

Велика Британија ќе се соочи со недостиг на одредени прехранбени производи доколку ја напушти Европската унија без договор, предупреди британското Здружение на прехранбената индустрија, предвидувајќи „сериозни нарушувања“ што може да траат со месеци.

– На сите нас ни е апсолутно јасно дека излегувањето без договор е катастрофален исход за нас, но никогаш не рековме дека земјата ќе биде гладна. Од време на време ќе има недостиг на одредени прехранбени производи …. и ќе зависи од тоа кои камиони успеваат да преминат (граница) – изјави за Би-Би-Си Тим Рајкрофт, директор за корпоративни работи во Федерацијата за храна и пијалоци.

Велика Британија треба да ја напушти ЕУ на 31 октомври и во моментов има мали шанси за договор што ќе обезбеди слободно движење на стоки по тој датум.

– Сметаме дека ќе има сериозни пореметувања што ќе траат со месеци. Притоа, свеќата храна е само врв на ледениот брег – очекуваме недостиг на низа производи –  истакна тој.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...