Принцот Хари открил дека планира да има најмногу две деца, поради својата растечка загриженост за иднината на Земјата.
Во разговорот со активистката и стручњак за шимпанзи Џејн Гудал за специјалното септемвриско издание на британскиот „Вог“, принцот Хари на прашањето колку деца планира да има со сопругата Меган Маркл, рекол – најмногу две, максимум, пренесува Си-ен-ен.
Принцот Хари рекол дека сите мора да се присетиме дека сме како жаба во вода која е доведена до вриење и дека тоа е застрашувачки.
Тој признал дека неговиот став кон планетата се променил по раѓањето на неговиот син, принцот Арчи, но дека отсекогаш сакал да се обиде да ја сочува планетата, дури и пред неговите планови да има деца.
Коментарот зачуди многумина, со оглед на тоа дека неговиот брат, принцот Вилијам има три деца: „Ако принцот Хари сака да има две деца за да ја спаси планетата, дали тој тукушто кажа дека принцот Вилијам има премногу деца?“, се запраша еден корисник на Твитер.
