Ветеранот Патрис Евра го објави крајот на неговата фудбалерска кариера. 38-годишниот лев бек сподели дека сака да добие лиценца и да тренира тим.
– Мојата кариера е официјално завршена. Во 2013 година ја започнав обуката за добивање лиценца на УЕФА за категорија Б. Сакам да ја завршам, а потоа да добијам лиценца А. По година и пол, ако се оди според планот, ќе бидам подготвен да раководам со тим – изјави Евра, цитиран од „Газета дело Спорт“.
За време на неговата кариера, дефанзивецот играше за Јувентус, Монако, Марсеј, Манчестер Јунајтед и Вест Хем. Со „црвените ѓаволи“ стана петпати шампион на Англија и еднаш ја освои Лигата на шампионите.
Неговиот последен клуб беше Вест Хем, за кој одигра пет натпревари во 2018 година
