Градот Скопје информира дека четвртата фаза од авионската и од терестричната дезинсекција против возрасни форми на комарци ќе почне во среда (авионско) и во недела (терестрично).
Авионската дезинсекција ќе се одвива на 31 јули и на 1 август во раните утрински часови.
Терестричната дезинсекција ќе почне на 4 август (недела) и ќе заврши најдоцна до 7 август (среда). Оваа дезинсекција ќе се одвива во периодот од 23 до 4 часот, наредниот ден.
Доколку временските услови во наведените денови не се поволни, авионската дезинсекција ќе се изврши првиот нареден ден кога времето ќе биде поволно, во истиот термин, а во согласност со тоа ќе се извршува и терестричната дезинсекција.
Се известуваат пчеларите навреме да ги преземат потребните мерки за заштита на пчелите.
