Војвотката Кејт Мидлтон потпаднала под влијание на трендот и на социјалните мрежи се појави фотографија на која се гледа дека направила естетска корекција на своето лице.
Угледниот естетски хирург Мунир Сомјиз од лондонската клиника „Др. Меди Спа“ е убеден дека војвотката Кејт Мидлтон се подложила на естетски зафат, пренесува „inquisitr“.
Сомјиз објавил фотографија на Твитер-налогот на својата клиника на која се наоѓа војвотката пред и после потенцијалните зафати на лицето.
Имено, тој ги споредил фотографиите на војвотката и заклучил дека си вбризгала инјекции на т.н. „бејби ботокс“ што е видливо на нејзиното лице.
– Нашата Кејт сака малку „бејби ботокс“. Воочете ги намалените фини линија на челото, но исто така, погледнете го поткревањето на крајниот дел на веѓите, но и на делот од челото помеѓу веѓите. Магијата на „бејби ботоксот“ е во тоа да не се чувствувате толку тешко и што ви дава суптилно намалување на брчките, како и подобра положба на веѓите. На фотографијата „пред“ изгледа изморено и на лицето ѝ се гледаат брчки. На фотографијата „после“ лицето ѝ изгледа мазно и блеска“, напишал тој под објавените фотографии.
Портпаролот на Кенсингтонската палата во официјалната изјава за „Њујорк пост“ ги демантираше сите наводи на хирургот.
„Членовите на кралското семејство никогаш не ја поттикнувале промоцијата на таквите работи“, порачал тој.
„Бејби ботоксот“ е посуптилен од вообичаениот и дава поприроден изглед.
