Хуан Родригез заработил обвинение по четири точки откако ги оставил своите близнаци (ќерка и син) во петокот и отишол на работа во болницата, каде што работел како социјален работник.
Едногодишните близнаци во петокот беа пронајдени мртви и со пена на нивните усти на задното седиште на автомобилот во квартот Бронкс во Њујорк. Нивниот татко, 39-годишниот Хуан Родригез ги оставил во врелиот автомобил и отишол на работа.
На полицијата ѝ рекол дека заборавил дека биле таму, објави „Њујорк пост“. Тој е обвинет во саботата по две точки од обвинението за намерно убиство и по две точки за убиство од небрежност.
Полицијата соопшти дека таткото го напуштил возилото околу 8 наутро во кој биле неговите деца, Мариза и Феникс, и отишол во болницата Џејмс Џ. Питерс ВА во Кингсбриџ, каде што работи како социјален работник. Од полицијата додале дека се вратил во автомобилот околу 16 часот и сфатил дека децата биле во него дури откако почнал да вози. Освен таткото, уште едно лице ја повикало полицијата откако го видело таткото како вреска покрај патот на Кингсбриџ терас и Кингсбриџ роуд.
– Ова е голем шок за нас. Неодамна имаа забава во нивниот двор, на која го прославија нивниот роденден. Имаат и четиригодишен син. Никогаш не сум видел да ги занемаруваат децата, ниту да ги пуштаат надвор без надѕор. Беа добри родители. Како сега да живеат со ова? – рекол еден сосед за „Њујорк пост“.
Во Америка секоја година во просек умираат 38 деца, кои остануваат заробени во автомобилите.
FOTO: Fejsbuk/Printskrin
