Поранешниот директор на Управата за безбедност и контраразузнавање, Сашо Мијалков, бара судот да му го врати пасошот за да оди да се лекува во странство, пишува „Независен весник“.
Според информациите на весникот, Мијалков отишол во СЈО со еден куп медицинска документација со која побарал да му биде вратен пасошот кој му се наоѓа во Кривичниот суд како една од мерките за претпазливост, откако беше пуштен од притвор за случајот „Титаник 2“.
Обвинителката Фатиме Фетаи, до судот, пак, испратила негативно мислење, потпишано од Катица Јанева.
ФОТО: EPA-EFE/GEORGI LICOVSKI
