Зоран Заев, синонимот за лаги и дезинформации, се обидува да воведе цензура на медиумите кои не размислуваат како него. Денешната прес конференција е само уште една потврда дека слободата на говор во Македонија е загрозена, а медиумите се соочуваат со уцени, закани и цензура од власта, реагира ВМРО-ДПМНЕ на прес -конференцијата на премиерот Зоран Заев.
– Ако сака да знае што се навистина „лажни вести“, еве ќе го потсетиме: Лажна вест и дезинформација е дека Зоран Заев не знае кои се Кики и Фрики. Лажна вест и дезинформација е дека Курто Дудуш не малтретирал и не навредувал сограѓанин. Лажна вест и дезинформација е дека генералниот секретар на Заев не учествувал во незаконски разговори за тендер тежок 7 милиони евра. Лажна вест и дезинформација е изјавата на Заев дека Македонија лани во јуни доби датум за почеток на преговори, дека Заев додека дише нема да го смени уставното име и дека ќе го штити идентитетот и жицата македонска, дека Заев ќе обезбедел економски раст од 5-7% на годишно ниво, ќе го намалел бројот на министерства во владата. Јасно е дека планот на лажгото Зоран Заев предвидува преку обвинувања за лажни вести да се покријат сите скандали, афери и криминали кои секој ден излегуваат, стои во соопштението.
