Шеесет и еден мигрант се откриени вчера околу 19.20 часот на автопатот Неготино-Скопје, во близина на надвозникот Виничани, кога од запрено товарно возило со скопски регистарски ознаки се симнале повеќе лица.
Полициски службеници излегле на местото и во возилото пронашле 61 мигрант (од Пакистан 45, од Авганистан девет, од Бангладеш шест и еден од Индија). За настанот е известен јавен обвинител, а мигрантите биле пренесени во Прифатниот центар „Винојуг“ Гевгелија и во Прифатниот центар за странци во Скопје за понатамошна постапка.
Се преземаат мерки за пронаоѓање на возачот и за расчистување на случајот.
