Играчот од средниот ред на Барселона, Иван Ракитиќ, зборуваше пред „АС“ за неговата иднина. Тој истакна дека сака да остане во каталонскиот клуб, но не исклучува други можности за неговата иднина.
– Моето име е постојано во медиумите, секоја година откако се преселив во Барселона, секој трансфер прозорец е ист. Јас разговарав со менаџментот на клубот и Валверде, и сакам да останам тука, клубот ги има истите планови. Отворен сум за сè, тоа е фудбал. Инаку јас сум горд што други клубови се интересираат за мене. Тоа значи дека добро си ја вршам мојата работа – рече Ракитиќ.
Минатата сезона, Ракитиќ играше 54 натпревари на сите турнири, постигна 5 гола и направи 10 асистенции.
ФОТО: EPA / Andreu Dalmau
