Триесет и седумгодишник од Нови Сад е осуден на година и пол робија бидејќи својата девојка ја давел со новогодишни сијалички, гасел цигари од нејзиното тело, ја тепал, се заканувал дека ќе ја убие. Покрај затворот, нему му е изречена и забрана за приоѓање на жртвата, како и лечење од алкохолизам, пренесува „Курир.рс“.
Во март 2018 година, осудениот и жртвата се запознале и тој ѝ понудил да почне да работи за него во еден бутик. Не поминало многу време, тие двајца почнале да живеат заедно и тогаш за девојката почнал пеколот.
– По неколку дена од заедничкиот живот во Нови Сад, тој пијан се вратил дома од кафеана и почнал да ја малтретира. Не ѝ дозволувал да спие, ја плукал и го истурил пивото врз неа, ѝ велел оти е ку*ва. Се заканувал дека ќе спие со нејзината мајка ако се обиде да го остави. Девојката собрала храброст и побегнала, но тој брзо ја нашол и ја наговорил да му се врати. Се правдал оти бил пијан и дека никогаш повеќе нема да се однесува на тој начин – било наведено во судот.
Сепак, неговото каење не траело долго, па повторно започнал со мачењето.
– Насилникот повторно дошол пијан и веднаш ја претепал. За да ја спречи да вресне и да бара помош, во устата ѝ ставил пешкир. Потоа ја давел со новогодишни сијалички, ѝ ја расцепил облеката, го заклучил станот и си легнал. Кога девојката се обидела да побегне, тој ја фатил и се заканил дека ќе ја убие, а потоа ќе си пресуди и себеси – рекол извор од судот.
Во 2019 година се преселиле, но ѕверското малтретирање продолжило.
За среќа, девојката во почетокот на март оваа година успеала да побегне и да се засолне кај своето демејство во Белград. Насилникот ја барал и ја нашол, па ѝ пратил неколку пораки на мобилен во кој рекол дека ако не се видат, ќе ги запали и нејзе и нејзиното семејство.
Бидејќи таа не одговорила на пораките, тој се појавил пред нејзината зграда. Исплашена, девојката излегла надвор и му однела сендвичи. Тој ѝ рекол да си ги земе работите и да се вратат во Нови Сад. Таа се согласила кога насилникот ѝ се заканил со смрт. Потоа отишла по своите работи, но штом влегла во станот, се јавила во полиција.
