Судењето за предметот на СЈО, „Топлик“ денеска се одложи затоа што двајцата обвинети Миле Јанакиески и Димитар Димовски не биле спроведени од истражниот затвор “Скопје”.
Судијата Осман Шабани рече дека судот не добил информација зошто не се спровел спровод на обвинетите.
На рочиштето не присуствуваше и судијата поротник, па судијата Шабани следното рочиште за предметот го закажа за 6 септември.
Во „Топлик“, првоосомничен е екс министерот за транспорт и врски Миле Јанакиески, за продажба на државно земјиште за изградба на комплексот „Сончев град“. Освен него, осомничени се уште пет лица.
