Шпанскиот суд утврди дека постојат доволно докази оти 75-годишниот Хулио, пејач и татко на познатата музичка ѕвезда Енрике Иглесијас, е татко на 43-годишниот Португалец Хавијер Санчез Сантос.
Судот, всушност, го зема како доказ и одбивањето на Хулио да направи ДНК текст и пресуди во корист на Санчез, јавува Асошиејтед прес.
Негирањето на татковството траеше три децении. Членка на танцовата група која го следеше Хулио на неговите настапи со години тврдеше дека имала афера со пејачот и оти тој ја забременил. Тој никогаш не призна и демантираше дека воопшто имал афера со танчарката, но по триесет години ја изгуби битката.
Photo: EPA/CLEMENS BILAN
