Странските медиуми се распишаа за новата ѕвездена двојка на сцената.
Британската поп-пејачка, по потекло од Приштина, Дуа Липа е во врска со Анвар Хадид, помладиот брат на манекенките Бела и Џиџи Хадид.
Имено, 23-годишната Липа утеха, по раскинувањето на повеќегодишната нестабилна врска со познатиот готвач Ајзак Кару, ја пронашла во три години помладиот манекен Анвар.
А, веста за романсата ја „потврдија“ и самите Дуа и Анвар, појавувајќи се прегрнати на музичкиот фестивал во Лондон изминатиот викенд.
Вљубената двојка се појави на концертот на Лајонел Ричи на фестивалот British Summertime во лондонскиот Хајд парк.
