Средена е улицата во Кавадарци која беше оштетена со години и при секој дожд стануваше езеро.
Реконструирана е обиколницата „Западен булевар” во Кавадарци, која во минатото претставуваше проблем за безбедноста. Кавадаречкиот градоначалник Митко Јанчев рече дека е ова многу значајна сообраќајница, клучна артерија во градот. Се работи за комплетно нова траса која сега е подигната и со ново атмосферско решение и асфалтирање. Инвестицијата е околу 32 милиони денари.
– Ова беше голгота за кавадарчани повеќе од десет години, најуништена сообраќајница а и најексплоатирана од тешките товарни возила – рече градоначалникот, информирајќи дека за година ипол, се решени и Западен и Северен булевар, две артерии од витално значење.
Тој соопшти дека до крајот на годината ќе се интервенира уште на неколку улици во градот и Кавадарци ќе го добие тоа што долги години го немаше, европски безбедни улици. Додаде дека останува само да се почитуваат сообраќајните знаци.
