Причината за оставката на министерот за финансии Драган Тевдовски е затоа што јас влегувам, изјави премиерот Зоран Заев во интервју за Сител.
– Се работи прво за министер или министерство кое што ги направи најголемите реформи или е поврзано со реформите што се случија во државата или дефинитивно преставува едно од тие што направија најмногу реформи. Така да не напоменувам благодарение на тоа министерство се покачија минималните плати во државата и се укина радиодифузанта такса.Тевдовски добро си ја вршеше работата, но сега на ред е една економска лекција во која јас морам да бидам вклучен. Влегувам комплет со цел свој кредибилитет за да одржиме економска лекција, уште позасилено – изјави Заев.
