Финансиската полиција од утрово спроведува голема полициска акција во скопското село Љуботен.
Според неофицијалните информации, станува збор за акција за сузбивање на шверц на тутун.
Акцијата е во тек, а на терен има и припадници на МВР кои се повикани за асистенција.
Од Управата за финансиска полиција наведуваат дека во интерес на истрагата не можат да споделат подетални информации.
– Очекуваме и бараме соработка од граѓаните на реоните во кои се спроведуваат активностите, се во интерес на расчистување на случајот. Јавноста благовремено ќе биде информирана за исходот од преземените мерки и активности – велат од Управата за финансиска полиција.
Повеќе информации се очекуваат во текот на денот.
