Коѕијас го демантира Кумуцакос дека изразил загриженост на брифингот за името

303

Од прес-службата на шефот на грчката дипломатија Никос Коѕијас, реагираат на соопштението од Нова демократија за одржаната средба на Коѕијас со Кумуцакос.

Од опозициската партија изразија загриженост за текот на разговорите за името, а од прес службата на Коѕијас, велат дека соопштението на Нова демократија не одговара на реалноста и е невистинито, јави дописничката на МИА од Атина.

– Делегацијата од Нова Демократија не изрази никаква резервираност или загриженост за време на над двочасовниот брифинг, исто така даваше коментари што се од дополнителна помош. За време на брифингот, се водеше евиденција што ја потврдува невистината на содржината на соопштението на Нова демократија. Ја повикуваме Нова демократија, конечно да покаже сериозност и одговорност во справувањето со големите национални прашања – пишува во соопштението од прес службата на Коѕијас.

Кумуцакос рече дека по брифингот со Коѕијас за името, им се интензивирала загриженоста.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...