Во Љубљана осамна билборд на кој се наоѓа фотографија на војник во униформа на поранешната Југословенска народна армија (ЈНА) со подигнати раце во знак на предавање.
Нарачател на билбордот е опозициската конзервативна Словенечка демократска партија (СДС) на поранешниот премиер Јанез Јанша, која на овој начин на Словенците им го честита Денот на државноста на Словенија – 25 јуни.
Билбордот предизвика бура во јавноста и на социјалните мрежи со оценки и коментари дека ваквата постапка на СДС е „несоодветна и невкусна“.
Словенија прогласи независност од поранешна СФР Југославија со усвојување на Основната уставна повелба од страна на словенечкиот Парламент на 25 јуни 1991 година.
ФОТО: МИА
