Тренерот на Манчестер сити, Џозеп Гвардиола искажа пофални зборови за својот колега од Барселона, Ернесто Валверде.
– Според мое мислење, Валверде е импресивен тренер. Тој има направено добра работа за овие две години во Барселона. Лигата на шампионите? Сите загубивме на овој турнир. Барселона ја освои титулата во домашното првенство два пати по ред. Што се однесува до шпекулациите дека може да се вратам во Барселона, ќе кажам дека оваа фаза од мојот живот веќе помина. Сега е време за нови генерации, но „Камп Ноу“ е засекогаш во моето срце – изјави Гвардиола.
Минатата сезона, Барселона ја освои шпанската Примера, стигна до полуфиналето на Лигата на шампионите и до финалето на шпанскиот куп.
