Поранешниот крал на Белгија, Алберт Втори (84) ќе мора да направи ДНК тест за да го побие тврдењето дека е татко на вонбрачно дете родено во шеесеттите години на минатиот век и со тоа да избегне парична казна од 5.000 евра дневно.
Монархот веќе десетина години одрекува дека е татко на белгиската уметница Делфин Боел (51). Претходно месецов, суд во Брисел одлучи дека Алберт Втори треба да направи ДНК тест, за да се утврди дали е родител на Боел и ако е, тој ќе треба да ѝ плаќа казна.
Резултатите од тестот за татковство ќе бидат строго доверливи до нова судска одлука, изјави адвокатот на поранешниот крал. Тие се очекуваат до крајот на годината.
