Портпаролот на СДСМ Костадин Костадинов, по денешната оставка на пратеникот Павле Богоевски рече дека ако бил на местото на Крсто Мукоски за да покаже морал и етика досега ќе поднел оставка.
Костадинов побара морална одговорност и од пратениците на ВМРО-ДПМНЕ и глас за одземање на мандатот на Груевски.
Пратеникот Мукоски беше дел од групата која се гонеше за настаните во Собранието од 27 април, а на снимките се виде дека токму тој и ги отвори на толпата вратите од законодавниот дом.
Подоцна, како што потврди и премиерот Зоран Заев, во замена за неговиот глас за промена на уставното име доби амнестија заедно со повеќе пратеници, додека една група беше осудена на повеќе од 200 години затвор.
