Новиот директор на Агенцијата за разузнавање Еролд Муслиу денеска одби да ги коментира изјавите на челниците на ДУИ дека се загрижени откако претседателот Стево Пендаровски го поставил на оваа функција.
Муслиу вели дека прво треба да се почека одлуката да излезе во Службен весник за неговата директорска функција да се официјализира.
– Па видете ДУИ е политичка партија, Бујар Османи е вицепремиер, не знам која функција ја има во политичката партија, не знам каква изјава дал, не знам кој е ставот на политичката партија ДУИ, но колку што знам тие се заедно во влада со СДСМ, значи го поддржаа претседателот Стево Пендаровски, што да кажам понатаму – вели Муслиу.
