Околу 10.40 часот вчера на магистралниот пат Струмица-Граничен премин „Ново Село“, помеѓу селата Дабиле и Босилово, патничко возило „Фиат Браво“ со струмички регистарски ознаки, управувано од И.Г.(61) од Босилово, излетало од патот и удрило во дрво.
Од здобиените повреди, возачот И.Г. починал на местото, а смрт констатирал лекар од Итна медицинска помош.
Увид на местото извршила увидна екипа од СВР Струмица.
