Во гаража на станбена зграда во Кралево утрово околу 2 часот избил пожар во кој четири возила потполно изгореле, а неколку возила биле оштетени.
Како што пренесуваат српските медиуми, повредени лица нема. Но, малку недостасувало за чадот и пожарот да се прошират кај становите во кои луѓето спиеле.
Пожарникарите брзо ги ставиле пламените јазици под контрола, но има голема материјална штета.
Причината за пожарот не е позната, во тек е истрага.
