Турскиот претседател Реџеп Тајип Ердоган му рекол на својот руски колега Владимир Путин дека сириската Влада ја загрозува турско-руската соработка во Идлиб, така што го крши прекинот на огнот, соопштија од кабинетот на Ердоган.
Турскиот претседател му кажал на Путин и дека сириските напади врз цивили, училишта и болници во Идлиб не можат да се толкуваат како борба против тероризмот.
Порастот на насилството во областа Идлиб го загрози руско-турскиот договор, со кој е прекината владината офанзива во септември. Таа област е една од последните големи упоришта на сириските бунтовници.
ФОТО: EPA / ALEXEY NIKOLSKY / SPUTNIK / KREM
