Во тешка сообраќајна несреќа која синоќа се случила во населбата Мокри Долови загинал 32-годишниот М. А. од Требиње додека ги возел гостите по свадбата, пишува „Курир.рс“.
Две лица се потешко, а две полесно повредени во несреќата. Од полицијата во Требиње е потврдено дека сообраќајната несреќа се случила 40 минути по полноќ, кога автомобилот во кој бил несреќниот младоженец, од засега непознати причини, излетал од патот.
Како што „Курир.рс“ неофицијално дознава, несреќниот младоженец загинал на кружниот тек кој со новата обиколница е изграден пред само еден месец, па соседите велат дека можеби погрешно свртел.
Според информациите, младоженецот живеел и работел во Белград, а во родниот крај дошол за да се ожени.
„Српскаинфо“ неофицијално дознава, животот го изгубил М. А. (32), кој живее и работи во Белград, а во родниот крај дошол да се ожени. Тој ги возел гостите од својата венчавка и во населбата Мокри Долови излетал од патот, потоа удрил во ѕид и загинал.
Девојката која е повредена во оваа несреќа има повреди на градниот кош и е задржана на лекување, додека еден од повредените мажи се здобил со фрактура на колкот.
ФОТО: Аваз.ба/Принтскрин
