Триесет дена притвор доби С.Р (49) од тетовско Јанчиште, осомничен за убиство на холанѓанецот Јос. М (59), сопственик на расадникот „Еуроплантс“ во тетовско Прељубиште, информираат од СВР Тетово.
С.Р. кој би вработен во расадникот бил лишен од слобода, а по извршениот увид и разговор со него во полициска станица, СВР Тетово до обвинителството достави кривична пријава за убиство.
Според првичните податоци од увидот на местото и разговор со вработените, на убиството му претходела расправија и физичка пресметка. Работникот со камен неколку пати го удрел и го усмртил сопственикот на расадникот.
Холандскиот државјанин пред десетина години, како концесионер на имотот на агрокомбинатот Борец ја започнал работата на расадникот „Еуроплантс“.
Според информациите објавени на интернет страницат на Еуроплантс“ на површина од 375 хектари се одгледуваат разни декоративни и украсни дрвца кои се продаваат низ целиот свет.
