Една жена е уапсена откако фрлила јајце врз австралискиот премиер Скот Морисон за време на настан во рамки на кампањата за изборите, кои ќе се одржат на 18 мај, соопшти полицијата на сојузната држава Нов Јужен Велс.
Како што пренесуваат австралиските медиуми, обезбедувањето брзо ја совлада и тргна 25-годишната жена.
Според полицијата, никој не е повреден во инцидентот.
Морисон на Твитер напиша дека жената која го удри со јајце е „кукавичка активистка“.
Тој го пофали своето обезбедување кое реагираше брзо и изрази загриженост за состојбата на една постара жена која паднала за време на метежот.
Инцидентот се случи во Олбери, кој се наоѓа на околу 330 километри југоисточно од Канбера.
.@ScottMorrisonMP has been egged by a protester while on the campaign trail in New South Wales. The Prime Minister was hit from behind at the Country Women’s association event in Albury. https://t.co/TWh1KQycs4 #Auspol #7NEWS pic.twitter.com/n6kEhmAv4x
— 7NEWS Sydney (@7NewsSydney) May 7, 2019
