Сите осомничени што учествувале во заговорот или биле директно поврзани со нападите во Шри Ланка на Велигден, се или уапсени или загинати, изјави вршителот на должност началник на полицијата Чандана Бикрамаратн.
– Силите за безбедност конфискуваа материјали за изработка на бомби што требало да ги искористат за идни напади – рече Бикрамаратн.
Исламска држава презеде одговорност за низата напади на Шри Ланка при што загинаа 257 лица, а околу 500 беа повредени.
Властите во Шир Ланка изјавија дека нападите се извршени од две малку познати локални исламистички групи.
Photo: EPA / M.A. PUSHPA KUMARA
