Поради посетата на Папата Франциск, во Скопје се воведува посебен сообраќаен режим и промени во движењето на граѓаните.
Град Скопје информира дека поради специјалниот режим на движење, граѓаните што живеат во централното градско подрачје, во зоната „Голем ринг“, во вторник нема да може да ги користат своите возила, доколку сакаат да ги користат возилата ќе мора денеска да ги извадат од рестриктивната зона.
„Апаелираме, граѓаните кои што живееат во централното градско подрачје (во зоните А1, А3, А4, А5, А06, А8, Б2, Б3, Б6 и Б7) почнувајќи од понеделник, 06.05.2019 година по 16 часот, своите возила да ги дислоцираат и истите да ги паркираат во непосредна близина на Градско Собрание, зона Ц80 и Ц81 или зона Ц33 (под Железничка станица) и јавните паркиралишта ЗОИЛ и Тутунски комбинат. Граѓаните кои имаат потреба од своите возила на ден 7.05.2019 година, ќе биде потребно истите да ги дислоцираат надвор од рестриктивната зона на 6.05.2019 година, во спротивно возилата нема да може да направат излез од рестриктивната зоната за време на посебниот сообраќаен режим“, информира Град Скопје.
Сите паркиралишта со кои стопанисува ЈП Градски паркинг-Скопје ќе бидат бесплатни за користење почнувајќи од 06.05.2019 година (понеделник) по 16 часот.
Катните гаражи „Беко“ и „26 Јули“ во вторник на 7.05.2019 година нема да бидат во употреба, односно ќе бидат затворени.
