Координативното тело за организирање на посетата на папата Франциск информира дека се преостанати мал број бесплатни билети за учество на централниот настан од посетата на папата, литургијата на скопскиот плоштад на 7 мај. Ова го соопшти Секторот за односи со јавноста при Владата.
– Сите заинтересирани граѓани кои сакаат да присуствуваат на овој историски
јавен настан можат да подигнат бесплатни билети и во текот на утрешниот ден во перидот од 12 до 17.30 часот на промотивниот штанд пред Спомен куќата на Мајка Тереза на улица Македонија во Скопје – велат оттаму.
ФОТО: EPA / ETTORE FERRARI
