Адвокатите на повеќето од обвинетите во случајот „Титаник“ бараат да се одложи денешното рочиште, а исто така бараат да не се одржат ниту наредните три закажани за 12, 15 и 26 април.
Причината е што бараат наместо рочишта тие термини да се користат за увид во списите на предметот, кој како што наведуваат, е со обемен материјал.
Дел од адвокатите посочуваат дека не можеле да извршат увид во списите, а дел велат дека воопшто не добиле цедиња со материјалите. Бидејќи не извршиле увид тие поднеле групно барање за одлагање на трите главни расправи и во тие термини да вршат увид.
На денешното судење се присутни сите 21 обвинет меѓу кои Никола Груевски, Миле Јанакиески, Гордана Јанкуловска, Мартин Протуѓер, Кирил Божиновски, како и Мунир Пепиќ и Едмонд Темелко кои се спроведени од куќен притвор.
