Група од 19 католички свештеници и академици побарала од бискупите да го прогласат папата Франциско за еретик.
Тие не се согласуваат со поглаварот на Римокатоличката црква околу прашањата за причестување, развод, верска разновидност и друго.
Меѓу најистакнатите членови во групата е Ејдан Николс, 70-годишен британски свештеник, еден од најпризнатите теолози.
„Мерката ја преземаме како краен начин да се избориме против штетата која ја причинија зборовите и делата на папата Франциско во претходните неколку години, а кои доведоа до една од најголемите кризи во историјата на католичката црква“, се наведува во отвореното писмо.
Папата Франциско е обвинет дека го „омекнал“ ставот на црквата по многу прашања, нагласувајќи дека не зборувал доволно против абортусот, а премногу ги прифаќал хомосексуалците, протестантите и муслиманите.
Портпаролот на Ватикан одбил да го коментира писмото на групата свештеници.
ФОТО: EPA-EFE-GIUSEPPE-LAMI
