Мртва трка во првиот круг од претседателските избори кои се одржаа вчера. Според резултатите од ДИК, по обработени 99,96 отсто гласачи, Стево Пендаровски победил во првиот круг со 4.606 гласови повеќе од Гордана Силјановска Давкова.
Кандидатот на власта има освоено 323.846 гласови, а кандидатката на ВМРО-ДПМНЕ 319.240.
Независниот кандидат, поддржан од Алијансата на Албанците и БЕСА, освоил 79.915 гласови.
Неважечки, според податоците на ДИК, се 32.828 ливчиња.
Излезноста на изборите била 41,82 отсто.
