На покана на Жандармскиот корпус на Ватикан, делегација на Министерството за внатрешни работи, предводена од директорот на Бирото за јавна безбедност, Сашо Тасевски, од 16 до 18 април престојува во Ватикан, во склоп на подготовките на посетата на Светиот Отец, папата Франциск на Република Северна Македонија, соопштија од МВР.
Делегацијата на МВР беше примена од неговата светост Папата Франциск, а оствари средба и со. Доменико Џиани, раководител на Дирекцијата за безбедност и цивилна заштита.
Од име на делегацијата, директорот Тасевски му подари плакета на МВР на папата Франциск, кој за неполн месец, на 7. мај, ќе ја посети Македонија.
