Очекуваме во јуни да почне имплементацијата на проектот „Младинска картичка“. До крајот на овој месец ќе објавиме повик за да аплицираат младите. Го имаме направено дизајнот на картичката и очекувам најмалку триесетина илјади млади да аплицираат за да можат да ја добијат и да имаат соодветен попуст. Картичката е наменета за сите млади на возраст од 15 до 29 години зашто заслужуваат да имаат подобро секојдневие, поволности и бенефиции. Ова е една од мерките што е во насока да ги задржи младите, да им понуди квалитетен живот со цел да почнат да размислуваат и да останат во државата, изјави за МИА директорот на Агенција за млади и спорт (АМС) Дарко Каевски.
Проектот „Младинска картичка“ е најавен кон крајот на 2018 година. Во моментов има од 300 до 500 субјекти: кафулиња, ресторани, театри, киносали, транспорт, железница и други кои ќе дадат одредени попусти во нивните услуги. АМС има склучено Меморандум со сите овие субјекти и ќе им биде дадена налепница што ќе ја залепат на своите објекти.
Каевски информира дека таа ќе биде и европска картичка, односно младите ќе можат да уживаат во поволностите и во други европски држави. Се разговара со Министерството за образование и наука по неколку години таа картичка да може да биде и платежна, да може студентите да добиваат стипендии на неа, да има преку неа и субвенционирани оброци и други мерки што ќе се преземаат.
Картичката е бесплатна, а кандидатите ќе треба да пратат податоци за себе и фотографија.
Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.
loading...
