Скопското обвинителство отвори истрага против српски државјанин за тешка кражба бидејќи на 10 месецов се обидел да украде возило на една фирма во Дебар Маало.
Осомниченото лице со штрафцигер го скршил задното десно стакло на паркирано патничко моторно возило „ренџ ровер“, сопственост на правно лице. Потоа влегол во возилото и со електронски уред за декодирање и клуч за стартување се обидел да го стави возилото во погон. Во тој момент, од блискиот угостителски објект излегол сопственикот и го затекнал осомничениот во возилото, со што го спречил во намерата противправно да го присвои автомобилот вреден 6.241.800 денари“, соопштија од обвинителстото.
Инаку, крадецот се бара со национална потерница во Србија и за да не избега и од Македонија, обвинителството побарало притвор.
