Професорот Ким Хејн-Јуцен од њујоршкиот Корнел Универзитет тврди дека го дешифрирал бројот 666, што многумина го сметаат за бројот на антихристот.
Во последната книга на Новиот завет – „Откровението на Јован”, сатаната именуван како 666 е опишан како голем црвен змеј со седум глави, опашка и десет рогови. Откако му објавил војна на архангел Михаил и другите ангели, чудовиштето е победено, оковано и фрлено во бездна, каде што треба „да гние со векови“.
Хејн-Јуцен, професор по древни средоземноморски религии смета дека тоа не било змеј, туку реална историска личност.
Според него, бројот 666 е криптирано име на римскиот император Нерон. Тој владетел бил свиреп деспот, убиец, развратник и лажливец. Неговиот историски морален профил е многу сличен на самата сатана. 3атоа и не е тешко да се верува во оваа теорија, смета истражувачот.
Во интервју на документарната серија на Нетфликс, „Историјата на Бога”, професорот објаснува дека 666 е еврејски еквивалент на – Nero Caesar (царот Нерон), кој владеел во 1. век н.е., непосредно по смртта на Исус. Според правилата на хебрејскиот јазик, буквите во неговото име, погледнати како броеви, имаат збир 666 – бројот на антихристот.
Според одломка од стих, откриена во египетскиот древен град Оксириња, бројот на антихристот е 616. Во латинскиот јазик латински, името на Нерон Цезар е еквивалентно на 616, запишан со латински цифри.
